Danksagungsfeier fir de Kardinol Jean-Claude Hollerich an der Kathedral

An der Suite vun der Erhiewung an de Kardinolsstand vum Mgr. Jean-Claude Hollerich, Äerzbëschof vu Lëtzebuerg, duerch de Poopst Franziskus haten de Weibëschof Mgr. Leo Wagener, de Generalvikar Patrick Muller an den Doumpropst Georges Hellinghausen häerzlech op eng Danksagungsfeier an der Kathedral vu Lëtzebuerg invitéiert. D’Feier war e Samschdeg, den 9. November 2019, um 11.00 Auer.

Wie bei Geleeënheet vun der Kardinolserhiewung vum Mgr. Jean-Claude Hollerich e Geste maache wëllt, kann dëst maache mat engem Don un d’Fondatioun Sainte-Irmine fir de Fonds d’avenir vun der Kierch oder fir den Accueil vun zwou Flüchtlingsfamilljen hei zu Lëtzebuerg (Mentiounen: Création cardinalice – Fonds d’avenir oder Accueil réfugiés): CCPLLULL LU64 1111 7017 0305 0000.