 Circle cathollu Follow cathollu Like cathollu |
Spiritualité / Spiritualität
De Lëtzebuerger Evangeliar
Den 1. Adventssonndeg (29. November 2009) huet d’Äerzbistum Lëtzebuerg an Zesummenaarbecht mat den éditions saint-paul en Evangeliar op Lëtzebuergesch erausgin. An dësem Evangeliar fënnt een d’Evangelientexter vun de Sonndeger a vun de grousse Festdeeg fir d’Liesjoren A, B an C an d’Evangelie fir d’Oktavzäit. En ass mat Biller vum Jean-Marie-Biwer illustréiert, an et gëtt en an zwee Formaten: am Groussformat, fir de festleche liturgesche Gebrauch, an an engem handleche Format, fir den Hausgebrauch a fir déi perséinlech Lektür a Meditatioun.
Am Virwuert schreift den Äerzbëschof Fernand Franck: “Mat dem Evangeliar, deen elo virläit, gëtt fir eis Kierch hei zu Lëtzebuerg a fir all eis chrëschtlech Gemeinschaften eng grouss Lacune opgefëllt. Well et war net normal, datt déi fundamental Texter vun eisem chrëschtleche Glaf, déi d’Evangelien duerstellen, bis elo net an enger zouverléisseger Iwwersetzung an eiser Mammesprooch zougänglech waren. Nëmmen iwwer esou eng Iwwersetzung kann deen Dialog tëscht Bibel a Kultur, wéi e vun der Bëschofssynod iwwer dem Herrgott säi Wuert (Oktober 2008) gewënscht gouf (Propositioun 41), och hei zu Lëtzebuerg richteg zustane kommen. An deem Sënn ass deen Evangeliar, dee mir elo an den Hänn hunn, ganz sécher och eng Beräicherung vun eiser Lëtzebuerger Kultur.” Am Aarbechtsgrupp „Iwwersetzung vun der Bibel op Lëtzebuergesch“ sinn – am Optrag vum Mgr. Fernand Franck: Claude Bache, Fränz Biver-Pettinger, Jeannot Gillen a Carine Hensgen. Formater a Präisser:
Verkaf / Bestellung:
De “Schlëssel” op cathol.luBei villen Texter fannt Dir e «Schlëssel» fir d’Evangelium vum jeeweilege Sonndeg. D’Fränz Biver-Pettinger huet déi Texter vum Sonndesevangelium an en zäitleche Kontext gesat a liwwert Erklärungen, déi hëllefen, d’Texter besser ze verstoen.
|
Info De “Schlëssel” op cathol.luBei villen Texter fannt Dir e «Schlëssel» fir d’Evangelium vum jeeweilege Sonndeg. D’Fränz Biver-Pettinger huet déi Texter vum Sonndesevangelium an en zäitleche Kontext gesat a liwwert Erklärungen, déi hëllefen, d’Texter besser ze verstoen.
|
Permalink: http://www.cathol.lu/article1577
Uewen
