| lb | fr | pt | en |
D’Sonndesmass gouf vu Biekerech iwwerdroen (27.12.2020)
Dëse Sonndeg live um 9 Auer a Replay op cathol.lu
D’Sonndesmass gouf dëse Sonndeg, de 27. Dezember, um 9 Auer aus der Kierch vu Biekerech iwwerdroen. D’Chorales réunies “Biekerech-Rippweiler-Schweecherdaul“ hunn ënnert der Leedung vum Henri Bissen gesong, op der Uergel huet de Pol Wio begleet.
D’Chorales réunies “Biekerech-Rippweiler-Schweecherdaul“
Zwanzeg Joer scho schaffen déi dräi Choralle Biekerech-Rippweiler-Schweecherdaul zesummen an hu fir de Moment esou op eng elegant Manéier hire Problem vum Nowues geléist. Wann d‘Aufgab vun dëse vereenegte Chéier doranner besteet, Massen an aner reliéis Feiere musikalesch z’encadréieren, esou stinn och weltlech Optrëtter vun Zäit zu Zäit um Programm. Mat ueschtzéng Membere wäert dës gutt opgestallte Formatioun ënner der Leedung vum Här Henri Bissen och iwwer d’Joer 2020 eraus besuergt bleiwen, dee richtegen Toun ze fannen an e gutt Klangbild ofzeginn.
Trotz Coronavirus ginn d’Sängerinnen an d’Sänger net op, mee probéieren erëm zu enger neier Normalitéit zeréckzefannen. Leider wëllen oder kënne verschidde Leit wéinst Ustiechungsgefor net un dëser Mass deelhuelen.
Suivéiert d’Mass e Sonndeg am Live-Stream hei
De musikalische Programm vun der Mass
| Entrée: Uergel | Improvisatioun iwwer ‘Dir Kanner, o kommt dach‘ | |||
|---|---|---|---|---|
| Agangslidd | Dir Kanner, o kommt dach | J. A. Peter Schulz | ||
| Kyrie | Weihnachtsmesse | Arr.: M. Krippes - A. Müller | ||
| Gloria | An der grousser hellger Nuecht | Mathieu Lamberty | ||
| Psalm | ||||
| Alleluja | Den Erléiser ass gebueren | Jean-Pierre Schmit | ||
| Credo | gëtt gebiet | |||
| Gowelidd | Zur Helleger Famill | Jhang Thill | ||
| Sanctus | Heilig, heilig, dreimal heilig | Christ. Bernh. Verspoel | ||
| Amnamnèse | Venite, adoremus Dominum | John Reading | ||
| Vater unser | gëtt gebiet | Agnus Dei | Aus dem Himmelssall | Victor Goldschmit |
| Kommiounslidd | C’est Noël tous les jours | O. Vercruysse; J.-M. Belliard | ||
| Schlusslidd | O du fröhliche | Melodie aus Sizilien | ||
| Sortie: Uergel | Marche solennelle | Felix Mendelssohn |
Chouer: Chorales réunies “Biekerech-Rippweiler-Schweecherdaul“
Dirigent: Henri Bissen
Organist: Pol Wio
YouTube
SoundCloud
Twitter
Instagram
Facebook
Flickr