Chrëschtdag: E Kand bréngt Léift…

Chrëschtdag: E Kand bréngt Léift…
 
Op Chrëschtdag
schéckt Gott
kee Stellvertrieder an d’Welt.
Hie kënnt héchstperséinlech.
 
Net als mächtege Kinnek,
net mat schéine Wierder trëtt hien op,
mä als klengt, onschëllegt Kand
an enger Fudderkrëpp.
 
Hie kënnt ouni Waffen,
et sief dann, déi vun deene Klengen.
Hie kënnt ouni Programm,
et sief dann dee vun de Séilegpreisungen.
Hie kënnt ouni Muecht,
et sief dann déi vum Verzeien.
 
Hie kënnt ouni Arméi,
et sief dann, déi, déi säi Luef séngt
a Fridde verkënnegt.
Hie kënnt ouni Ukënnegung,
et sief da bei den Hiirten,
den Ausgestoussene vun deemools.
 
An der Persoun vun engem klengen,
onschëllege Kand
beweist Gott der ganzer Welt
d’Muecht vu senger Léift…
 
Monique Hermes