lb fr pt en
 
14. Oktober 2021

D’Mass vum 17. Oktober gëtt vu Réiser iwwerdroen

D’Sonndesmass vum 17. Oktober gëtt aus der Kierch vu Réiser iwwerdroen. Et sangen d’Choralen Ste-Cécile Réiser-Krautem ënnert der Direktioun vum Marguerite Thomé-Schlim an op der Uergel begleet vum Marc Loewen. D’Mass gëtt um 9 Auer als Tëleesmass live op .dok TV an als Stream op cathol.lu iwwerdroen an um 11 Auer op RTL ZWEE widderholl.

Suivéiert d’Mass e Sonndeg HEI am Live-Stream an duerno de Replay

D’Choralen Ste-Cécile Réiser Krautem

D’Chorale Ste-Cécile Réiser-Krautem ass 1902 als Männerchouer gegrënnt ginn. Am Joer 1969 ass doraus e gemëschte Chouer entstanen. D’Chorale ass bei alle kierchlechen a weltleche Manifestatiounen am Réiserbann derbäi a bestëmmt esou dat kulturellt Liewen mat. Aktuell sinn et 14 Dammen a 6 Hären, déi ënnert der Leedung vun der Dirigentin, der Mme Marguerite Thomé-Schmit, feierlech Massen a weltlech Concerten net nëmmen am Réiserbann, mee uechter d’ganzt Land sangen. Eis Prouwe sinn all Dënschdes vun 19.30 Auer un am Sall vun der Réiserbänner Harmonie. Jiddereen, dee Freed um Sangen huet, ass bei eis häerzlech wëllkomm.

D’Tëleesmass vum 17.Oktober ass eng CovidCheck Manifestatioun, d.h. d’Leit alleguer, déi un der Mass deelhuelen, solle virun der Mass hiren Impfpass weisen a kontrolléiere loossen, oder si mussen op der Plaz ë Schnelltest maachen.

De musikalische Programm vun der Mass

Entrée Sinfonia 3 in D-Dur Bwv 789 Johann Sebastian Bach
Agangslidd Cantate, sing joy Joseph M. Martin & Patricia Mock
Kyrie Kyrie Jerry Estes
Gloria Gloria Jerry Estes
Tëschegesang Liebster Jesu, wir sind hier LD 99
Alleluja Nr 4 Camille Rodenbour (1990)
Credo gëtt gebiet
Gowelidd Non Nobis, Domine Sally K. Albrecht
Sanctus Festival Sanctus Victor C. Johnson
Anamnes Wir preisen deinen Tod LD 267
Agnus Dei Agnus Dei Victor C. Johnson
Kommiounslidd Ich will den Herren loben Dieter Golombek
Schlusslidd Wir danken dir Georges Hews
Sortie Präludium a-Moll BuxWV 153 Dietrich Buxtehude

Ënnerstëtzt d’Iwwerdroung vun der Tëleesmass mat Ärem Don

 
Ä e r z b i s t u m    L ë t z e b u e r g   .   A r c h e v ê c h é   d e   L u x e m b o u r g    .   
YouTube
SoundCloud
Twitter
Instagram
Facebook
Flickr
Service Kommunikatioun a Press . Service Communication et Presse
Äerzbistum Lëtzebuerg . Archevêché de Luxembourg

© Verschidde Rechter reservéiert . Certains droits réservés
Dateschutz . Protection des données
Ëmweltschutz . Protection de l'environnement
5 avenue Marie-Thérèse
Bâtiment H, 1er Étage
L-2132 Luxembourg
+352 44 74 34 01
com cathol.lu