lb fr pt en
 
19. Januar 2023

D’Mass vum 22. Januar gouf vu Lellig iwwerdroen

Den 22. Januar gouf d’Sonndesmass vu Lellig iwwerdroen. Et hunn d’Chorales réunies Lellig-Manternach gesongen, Dirigent war de Roby Mehlen, Organist de Marcel Weis. D’Mass gouf um 9 Auer als Tëleesmass live op .dok TV an als Stream op cathol.lu iwwerdroen an um 11.00 Auer op RTL ZWEE widderholl.

Suivéiert d’Mass e Sonndeg HEI am Live-Stream an duerno de Replay

D’Chorales réunies Lellig-Manternach

D’Chorale Ste Cécile vu Manternach ass 1893, déi vu Lelleg 1902 als Männerchouer gegrënnt ginn. 1969 ass ënner dem Impuls vum Paschtouer Arthur Joseph Reckinger d’Erweiderung vum Männergesank op gemëschte Chouer geschitt. 1990 hunn déi zwou Choralen dunn decidéiert, zesummen ze sangen, ouni awer hir Eegestännegkeet als Veräin opzeginn.
Eng Zesummenaarbecht, déi bis elo bestens funktionéiert huet. Mir sangen d’Sonndes- an d‘Feierdagsmassen, Begriefnesser an Hochzäiten an donieft awer och weltlech Lidder. Jiddfereen dee Freed um Gesank huet, ass häerzlech wëllkomm fir matzemaachen.
Dirigent ass de Roby Mehlen, iwwerdeems de Norbert Weydert an den Ernest Santer meestens fir d’Uergelbegleedung suergen. D’Teleesmass um Fest vum hl. Antonius, Schutzpatroun vun der Lelliger Kierch, begleet de Marcel Weis, e Lelliger Jong, Titularorganist zu Maacher.

De musikalesche Programm vun der Mass

Entrée Improvisatioun
Agangslidd Ein Haus voll Glorie Joseph Mohr
Kyrie Kyrie eleison
Gloria Gloria de Lourdes Jean-Paul Lécot
Alleluia Halleluja….grouss ass séng Léift
Gowelidd Psaume de la création Patrick Richard
Sanctus Give me joy in my heart Robert Jones
Anamnes Wir preisen Deinen Tod Diethard Zils
Vater unser Papp am Himmel Oskar Gottlieb Blarr
Agnus Dei La paix, l’amour, la joie K. Mayhew
Kommioun Viens à la fête Raymond Fau
Schlusslidd Antonius heilger Schutzpatron
Sortie Dialogue Jean Langlais

Ënnerstëtzt d’Iwwerdroung vun der Tëleesmass mat Ärem Don

Info

 
Ä e r z b i s t u m    L ë t z e b u e r g   .   A r c h e v ê c h é   d e   L u x e m b o u r g    .   
YouTube
SoundCloud
Twitter
Instagram
Facebook
Flickr
Service Kommunikatioun a Press . Service Communication et Presse
Äerzbistum Lëtzebuerg . Archevêché de Luxembourg

© Verschidde Rechter reservéiert . Certains droits réservés
Dateschutz . Protection des données
Ëmweltschutz . Protection de l'environnement
5 avenue Marie-Thérèse
Bâtiment H, 1er Étage
L-2132 Luxembourg
+352 44 74 34 01
com cathol.lu