lb fr pt en
Joer C  
25. November 2015

29. Sonndeg am Joereskrees C

Lk 18,1-8

1 De Jesus huet senge Jünger e Gläichnes erzielt, fir ze weisen, datt si ëmmer bieden an däers net midd gi sollten.

2 Hie sot: "Et war emol an enger Stad e Riichter, dee weder den Herrgott gefaart nach iergende Mënsch geuecht huet.

3 An därselwechter Stad war och eng Witfra, déi ëmmer erëm bei dee Riichter komm ass a gesot huet: ’Verschaf mir Recht géint mäi Géigner!’

4 Eng Zäitlaang wollt hien net. Zu gudder Lescht awer huet hien sech gesot: ’Och wann ech weder den Herrgott fäerten nach iergende Mënsch uechten,

5 wëll ech dëser Witfra elo Recht verschafen, well si ass mir eng eenzeg Plo! Net datt si um Enn nach kënnt a mir eng op de Bak gëtt.’”

6 Du sot den Här: "Lauschtert, wat deen ongerechte Riichter do seet!

7 Soll dann éiren den Herrgott sengen Auserwielten net Recht verschafen, wann si Dag an Nuecht zu him ruffen? Soll hien si laang waarde loossen?

8 Ech soen iech: Hie verschaaft hinne séier hiert Recht. Wann awer de Mënschejong kënnt, fënnt hien dann [nach] de Glawen op der Äerd?"

 
Ä e r z b i s t u m    L ë t z e b u e r g   .   A r c h e v ê c h é   d e   L u x e m b o u r g    .   
YouTube
SoundCloud
Twitter
Instagram
Facebook
Flickr
Service Kommunikatioun a Press . Service Communication et Presse
Äerzbistum Lëtzebuerg . Archevêché de Luxembourg

© Verschidde Rechter reservéiert . Certains droits réservés
Dateschutz . Protection des données
Ëmweltschutz . Protection de l'environnement
5 avenue Marie-Thérèse
Bâtiment H, 1er Étage
L-2132 Luxembourg
+352 44 74 34 01
com@cathol.lu