D’Sonndesmass gouf vun der Pafemillen iwwerdroen

D’Sonndesmass gouf e Sonndeg, den 10. Juni, um 9 Auer aus dem Klouschter Fünfbrunnen iwwerdroen. D’Sängerfrënn Saassel-Maulusmillen hunn zesumme mat Sänger vun Asselbuer ënnert der Leedung vum Monique Palzer-Weber gesongen, op der Uergel huet d’Nathalie Lamberty-Brachtenbach begleet.

D’Sängerfrënn Saassel-Maulusmillen

Um Sonndeg nom Häerz-Jesu-Fest sangen d’Sängerfrënn Saassel-Maulusmillen all Joer d’Mass am Klouschter Fünfbrunnen. D’Chorale gouf 1962 vum Paschtouer Albert Lamborelle a vum Häerz-Jesu-Pater Nic Kayser gegrënnt. D’Häerz-Jesu-Veréierung ass de Sängerinnen a Sänger e grousst Uleies. De Grënner vun den Häerz-Jesu-Pateren, de P. Léon Dehon, deem säin 175. Gebuertsdag dëst Joer gefeiert gëtt, schreift: “Will der Priester Licht sein, so muss er ganz besonders in dieser jetzigen Zeit der Apostel der christlichen Sozialwissenschaft sein. Er besitzt die Quelle der christlichen Liebe, die man aus dem heiligsten Herzen Jesu schöpft. Er soll in diesen Zeiten der Spaltung und des Hasses ein neues Heilmittel bringen, eine überströmende Nächstenliebe, er soll der glühende Anbeter und der Apostel der Eucharistie und des Herzens Jesu sein.” D’Botschaft vun der Léift vum Häerz-Jesu zu jidder Mënsch ass méi wéi jee aktuell.

Suivéiert d’Mass e Sonndeg am Live-Stream hei

De musikalische Programm vun der Mass

Chouer: Sängerfrënn Saassel-Maulusmillen
Dirigentin: Monique Palzer-Weber
Organistin: Nathalie Lamberty-Brachtenbach

Ënnerstëtzt d’Iwwerdroung vun der Radiosmass mat Ärem Don