D’Sonndesmass gouf aus der Buerg iwwerdroen

D’Sonndesmass gouf de 26. November um 9 Auer aus der Kierch vu Buerglënster iwwerdroen. D’Chorale Ste Cécile Buerglënster-Amber huet ënnert der Leedung vum Guy Engels gesongen, op der Uergel huet d’Kirsten Elmquist begleet.

Chorale Ste Cécile Buerglënster-Amber

Fir d’éischte Kéier gëtt eise Gesangveräin erwäänt bei der Konsekratiounsfeier vun der Bierger Kierch am Joer 1868. Mir géifen also dat nächst Joer 150 Joer feieren.

Mir sinn e gemëschte Chouer a bestinn aus 20 aktiven Sängerinnen a Sänger. D’Haaptaktivitéiten sinn d’Gestaltung vun de Samschdesmassen, déi am Prinzip zwee Mol am Mount ofgehalen ginn, vun de Gottesdéngschter bei kierchleche Feierdeeg a vun Hochzäits- a Begriefnismassen.

Wéi all Chouer géifen och mir eis iwwer nei Memberen freeën. Prouwen sinn ëmmer mëttwochs, vun 19.30 Auer bis 21.30 Auer, an eisem Proufsall an der Gonnerengergaass, direkt nieft der Jugendherberg. Weider Informatiounen gin et ënnert Tél. 780242 (M.Houwen).

Suivéiert d’Mass e Sonndeg am Live-Stream hei

De musikalische Programm vun der Mass

Chouer: Chorale Ste Cécile Buerglënster-Amber
Dirigent: Guy Engels
Organistin: Kirsten Elmquist

Ënnerstëtzt d’Iwwerdroung vun der Radiosmass mat Ärem Don