D’Sonndesmass gouf vun Zéisseng iwwerdroen (06.12.2020)

D’Sonndesmass gouf dëse Sonndeg, den 6. Dezember, um 9 Auer aus der Kierch vun Zéisseng iwwerdroen. Et hunn d’Chantres de St-Joseph vun Zéisseng mat Hëllef vun der Chorale Ste-Cécile vu Märel gesongen, ënnert der Leedung vum Pascale Philippy, op der Uergel begleet vum Georges Jungbluth.

D’Chantres de St-Joseph vun Zéisseng

Den Zéissenger Kierchekouer, « les Chantres de St-Joseph » ass den 15. August 1921 gegrënnt ginn. Et war geplangt d’Feierlechkeeten fir de ronne Gebuertsdag am Fréijor 2020 mat engem schéinen Concert spirituel an enger feierlecher Radiosmass anzelauden.
Wéinst där aktueller Situatioun huet de Concert missen ofgesot an d’Radiosmass verluegt ginn. Trotz deenen schwieregen Zäiten ass et de Chantres awer wichteg fir d’Massen zu Zéisseng gesanglech ze encadréieren am Respekt vun de virgeschriwwenen Distanzen a mat Droën vun Masken.
Déi 24 Sänger/innen stinn ënnert der Leedung vun der Madame Pascale Philippy, op der Uergel wiesselen sech d’Hären Théo Weidig, Georges Jungbluth mat nach verschiddenen aner Organisten of. D’Chorale Ste-Cécile vu Märel, mat där d’Chantres säit e puer Joer zesumme schaffen ass och bei dëser Gelegenhet eng wärtvoll Ënnerstëtzung. Zesummen hoffe mer, den Nolauschterer eng schéin Adventsstëmmung ze vermëttelen.

Suivéiert d’Mass e Sonndeg am Live-Stream hei

De musikalische Programm vun der Mass

Chouer: Chantres de St Joseph Cessange & Chorale Ste Cécile de Merl
Dirigent: Pascale Philippy
Organist: Georges Jungbluth

Ënnerstëtzt d’Iwwerdroung vun der Radiosmass mat Ärem Don