lb | fr | pt | en |
Äerzbëschof Jean-Claude Hollerich hëlt un der Amazonas-Synod deel
Vatikan huet den 21. September d’Lëscht vun de Participante publizéiert
D’Amazonas-Synod, déi offiziell ënnert dem Thema „Amazonien – nei Weeër fir d’Kierch an eng ganzheetlech Ökologie" steet, fënnt vum 6. bis de 27. Oktober am Vatikan statt. Um Hannergrond vun der Poopst-Enzyklika Laudato si’ gi wärend dem Bëschofstreffen ë.a. d’Emweltschied an hir sozial Suiten wéi och pastoral Erausfuederungen a Latäinamerika an de Bléck geholl.
Um Samschdeg, den 21. September, gutt zwou Woche virum Optakt vun der Synod, gouf d’Lëscht vun de Participanten bekannt, ënnert hinnen ass och de Mgr Jean-Claude Hollerich, Äerzbëschof vu Lëtzebuerg a President vun der COMECE. Den Dag virun der Ouverture vun der Synod gëtt de Mgr Hollerich wärend engem Consistoire offiziell an de Kollegium vun de Kardineel opgeholl.
Hei déi offiziell Matdeelung vum Hellege Stull vum 21. September.
All Infoen zum Bëschofstreffen fannt Dir um offizielle Site vun der Synod
- “Mam Grand-Duc Jean verléiert Lëtzebuerg e Mënsch, dee sech e Liewe laang ganz an den Déngscht vun eiser Heemecht gestallt huet”
- „E schinge Bonjour vom Poopst“
- EU-Bischöfe fordern einen gerechten und inklusiven Wandel hin zu einer integralen Ökologie und eine menschenrechtlichen Sorgfaltspflicht für Unternehmen
- Freundschaftliche Verbundenheit
- 25 catéchumènes se préparent aux sacrements de l’initiation chrétienne