lb fr pt en
Oktav 2018 . Octave 2018  
4. Mee 2018

Mat dir, gutt Mamm, si mir räich beschenkt

Meditatioun vum Monique Hermes

Mat dir, gutt Mamm, si mir räich beschenkt

Ave spes nostra – sief gegréisst, du eis Hoffnung,
Mamm vum Erléiser, Patréinesch vu Lëtzebuerg!

Bei däi Bild pilgere mir als Vollek vum Härgott:
Kanner, Jonker an Aler, Gesonder a Kranker, Frouer an Traureger...

Mir komme bei dech an enger hektescher Zäit:
Schenk äis Momenter vu Stëllt,
fir datt mer eist Zil net aus den A verléieren.

Mir komme bei dech an enger onroueger Zäit:
Gëff, dass mer d’Rou an d’Iwwersiicht behalen,
wann de Wand och an der Kierch méi zolitt bléist.

Mir komme bei dech an enger ongewësser Zäit:
Looss äis an der Gewëssheet liewen,
datt mer eng Stäip hunn, wann et drop ukënnt.

Mir kommen awer och bei dech mat engem Häerz voll Hoffnung:
Hëllef äis, datt mer zesummen en neien Opbroch woen,
als Kierch vu Jesus Christus zu Lëtzebuerg.

Muttergottes, Tréischterin am Leed,
trei Beschützerin a staark Vermëttlerin,
bleif äis no op eisem Pilgergank duerch d’Liewen.

Helleg Maria, Gottesmamm, Patréinesch vu Lëtzebuerg,
Sief eis onermiddlech Begleederin um Wee zu dengem gëttleche Jong.

Ave spes nostra – sief gegréisst, du eis Hoffnung!
Mat Dir, gutt Mamm, si mir räich beschenkt vum Papp am Himmel!

Monique Hermes

Meditatioun fir d’Oktavmass vun der Par Musel a Syr Saint-Jacques, freides, de 4. Mee 2018

Monique HERMES
 
Ä e r z b i s t u m    L ë t z e b u e r g   .   A r c h e v ê c h é   d e   L u x e m b o u r g    .   
YouTube
SoundCloud
Twitter
Instagram
Facebook
WhatsApp 352 691 12 97 76
Service Kommunikatioun a Press . Service Communication et Presse
Äerzbistum Lëtzebuerg . Archevêché de Luxembourg

© Verschidde Rechter reservéiert . Certains droits réservés
Dateschutz . Protection des données
Ëmweltschutz . Protection de l'environnement
5 avenue Marie-Thérèse
Bâtiment H, 1er Étage
L-2132 Luxembourg
+352 44 74 34 01
com cathol.lu