lb fr pt en
 
4. Dezember 2018

D’Sonndesmass gëtt vu Buddeler iwwerdroen

Dëse Sonndeg live um 9 Auer a Replay op cathol.lu

D’Sonndesmass gëtt um 2. Adventssonndeg, den 9. Dezember, um 9 Auer aus der Kierch vu Buddeler iwwerdroen. D’Kierchechéier vu Bech, Biwer an Hemstel sangen ënnert der Leedung vum Tom Osborne, um Keyboard begleet d’Libby Kramer.

D’Kierchechéier vu Bech, Biwer an Hemstel

Déi dräi Kierchechéier Bech, Biwer an Hemstel hu jiddereen hir eege Geschicht. Gegrënnt goufen si als Männerchéier – Hemstal 1895, Biwer 1907 a Bech 1919 (oder virun 1880?). Ëm dat 2. Vatikanescht Konzil, den Zäiten an Entwécklungen an der Kierch entspriechend, sinn si gemëschte Chéier ginn – Bech 1961, Hemstel 1973 a Biwer 1974. Hirt Engagement an all deene Joeren am Déngscht vun der gesanglecher Gestaltung vun de Gottesdéngschter an der sozialer Zesummegehéieregkeet ass och an schwieregen Zäiten an bäi allen Ëmstukturéierungen konstant bliwwen.

Virun esou 15 Joer hunn déi dräi Chéier ënnert dem Impuls vum deemolegen Dirigent de Jos Stutz hir gesaanglech Aktivitéiten zesummen geluegt, an dëst fir iwwerhaapt eng Iwwerliewenschance ze hunn. Dës frëndschaftlech a musikalesch Zesummenaarbecht iwwer déi fréier Dekanats- an heiteg Pargrenzen ewéch dréit hier Friichten fir eng engagéiert a leidenschaftlech musikalesch Gestaltung vu Gottesdéngschter (Massen, Begriewnisser, Hochzäiten, Kommiounen, Firmungen …) a doriwwer eraus fir Concerten an der Regioun. De Chouer versteet säin Asatz als e Beitrag zur spiritueller a mënschlecher Solidarität an de Pargemeinschaften an an den Dierfer. De breet gefächerte Répertoire, deen ëmmer erweidert gëtt, begeeschtert Sänger an Nolauschterer gläichermoossen.

Déi ongeféier 25 Sänger a Sängerinnen treffen sech zu Hemstel mëttwochs, vun 19.30 bis 21.30 Auer, an dat net nëmmen fir ze prouwen. Avis aux amateurs!

Suivéiert d’Mass e Sonndeg am Live-Stream hei

De musikalische Programm vun der Mass

Introitus Populus Sion grégorien
Agangslidd Réveille ta puissance Robert Jef - M 1021
Kyrie Tau aus Himmelshöhn M.L. Thurmair - M 103
Psalm M 753,1 + MüK C7
Alleluja Alleluia, Esprit donné pour la vie Ch. Singer, M. Wackenheim; arr. T. Osborne
Credo gëtt gebiet
Gowelidd Wie der Hirsch schreiet H. Distler
Sanctus Deutsche Messe H.-E. Prinz
Anamnèse M 360,5
Vater unser gëtt gebiet
Agnus Dei M 417 grégorien
Kommuniounslidd O Heiland, reiß die Himmel auf Fr. Spree, H. Stern
Schlusslidd Aube nouvelle M. Scouarnec, J. Akepsimas
Sortie Wachet auf, ruft uns die Stimme J.G. Walther

Chouer: Kierchechéier vu Bech, Biwer an Hemstel
Dirigent: Tom Osborne
Keyboard: Libby Kramer

Ënnerstëtzt d’Iwwerdroung vun der Radiosmass mat Ärem Don

 
Ä e r z b i s t u m    L ë t z e b u e r g   .   A r c h e v ê c h é   d e   L u x e m b o u r g    .   
YouTube
SoundCloud
Twitter
Instagram
Facebook
Service Kommunikatioun a Press
Äerzbistum Lëtzebuerg

© Verschidde Rechter reservéiert
Dateschutz
5 avenue Marie-Thérèse
Gebei H, 1. Stack
L-2132 Lëtzebuerg
+352 44 74 34 01
com cathol.lu