lb fr pt en
 
14. November 2019

“Odo Sonoritas” an der Kierch zu Stolzebuerg

Den 18. November: gregorianesche Choral a Verbindung mat zäitgenëssescher Musek

Um Gedenkdag vum hl. Odo, dem 2. Abt vu Cluny a Matpatréiner vun der Kierchemusik an der Stolzebuerger Kierch, e Méindeg, den 18. November 2019, ass um 19.30 Auer zu Stolzebuerg an der Kierch déi 6. Editioun vun “ODO SONORITAS” mat gregorianeschem Choral a Verbindung mat zäitgenëssescher Musek.

D’Devise vun dësem Konzert ass: dat Aalt erhalen an Neies schafen. Et soll e musekaleschen Dialog entstoen, an deem Virwetz, Wëssen a Freed sech begéinen. Déi zwee Stiler vu Musek hunn mystesch Kläng a vermëttelen nei musikalesch Impressiounen. Esou entsteet eng musikalesch Bréck tëschent der aler an der zäitgenëssescher Musek, déi een op dësem Konzert genéisse kann.

D’Choralle vu Mierschent a vu Stolzebuerg sangen ënnert der Direktioun vum Markus Roschinski de folgende gregorianesche Choral:

  • Laudate Dominum + Ps 148 Confitemini
    - > Tempus Paschale, Ad Vigiliam Paschalem
  • Alleuja + Ps 95 Venite exultemus
    - > Tempus per Annum, Hebdomada Vigesima XX
  • Dele Domine + Ps 51 Miserere mei
    - > Liturgia Defunctorum, Ordo Exsequiarum
  • Ad te levavi + Ps 25
    - > Introitus zum 1. Advent
  • Veni et ostende+ Ps 80
    - > Introitus Tempus Adventus Feria Tertia

An dëser Zesummestellung sollt op der enger Säit d’Räichhaltegkeet vum gregorianische Choral z’erkenne sinn, an op der anderer Säiit och säi Weiderllewen an der Kierchen- a Konschtmusik vun haut.

Den Deel mat der zäitgenösseger Musik gëtt vum Bert Van Laethem (Gei), Angélique Arnould (Danz) a Pol Melting (Video-Mapping) gestalt.

Video, Danz a Gei interagéieren fir d’“Violin Phase”, eent vun deenen éischte Wierker vum amerikanesche Komponist Steve Reich, dat am Oktober 1967 am Style vun der Phasemusik fir véier Geien a Bande magnétique geschriwwen ginn ass.

 
Ä e r z b i s t u m    L ë t z e b u e r g   .   A r c h e v ê c h é   d e   L u x e m b o u r g    .   
YouTube
SoundCloud
Twitter
Instagram
Facebook
Flickr
WhatsApp 352 691 12 97 76
Service Kommunikatioun a Press . Service Communication et Presse
Äerzbistum Lëtzebuerg . Archevêché de Luxembourg

© Verschidde Rechter reservéiert . Certains droits réservés
Dateschutz . Protection des données
Ëmweltschutz . Protection de l'environnement
5 avenue Marie-Thérèse
Bâtiment H, 1er Étage
L-2132 Luxembourg
+352 44 74 34 01
com cathol.lu