Den diözesane Pastoralrot huet d’Membere vum “Bureau exécutif” gewielt

Christine Bußhardt, Stefano Camposeo, Marc Crochet, Odette Buyse-Nepper (v.l.n.r.)

Wärend der zweeter Reunioun vum neien diözesane Pastoralrot, deen de 17. November 2022 am Centre Jean XXIII zesummekomm ass, si 4 Membere vum “Bureau exécutif” gewielt ginn.

Vizepresidente vum diözesane Pastoralrot si fir 5 Joer d’Christine Bußhardt an de Marc Crochet, Membere sinn d’Odette Buyse-Nepper an de Stefano Camposeo. D’office Member vum “Bureau exécutif” sinn doriwwer eraus de Kardinol Jean-Claude Hollerich (President), de Generalvikar Patrick Muller an de Sekretär Roger Nilles.

D’Haaptaufgab vun dësem Büro ass et, d’Reunioune vum Pastoralrot inhaltlech ze preparéieren. E Schwéierpunkt vun der Aarbecht vum Pastoralrot, deen insgesamt 24 Memberen zielt, ass an enger éischter Phas d’Ëmsëtzung vun der Synod iwwer d’Synodalitéit op diözesanem Plang an. Dobäi ginn och déi weider Schrëtt vun der Synod op kontinentalem a weltkierchlechem Niveau am Bléck behalen.

All Informationen zur Synod fannt Dir hei: https://cathol.lu/rubrique671