lb fr pt en
 
2. Dezember 2017

Advent - Zeeche sichen a fannen

Gedanke fir den Advent vum Monique Hermes

 

Advent - Zeeche sichen a fannen
 
Glanz, Glitzer a Glamour
stinn als Markenzeeche grouss an der Fënster.
Et kënnt vir, datt mer drop erafalen,
well déi Zeechen, déi mir ginn,
si kleng an onscheinbar dergéint.
 
Dem Härgott seng Zeeche stinn a kenger Fënster.
Si sinn ewéi e Stär, deen um Himmel liicht.
Déi wéinegst beuechten en,
well se zevill presséiert sinn,
an net esou héich erop kucken.
 
Dem Härgott seng Zeechen iwwerwältegen net,
si zwénge keen, awer si sinn do:
Diskret Hiweiser, kleng Liichter,
bescheiden Offere fir déi, déi net opginn
a weider sichen.
 
Wie schonn alles huet,
wie mengt, e géif alles wëssen,
wien iwwerall den Duerchbléck wëllt,
dee gesäit dës bescheiden Zeechen net,
well se him net méi opfalen.
 
Advent:
Konkret Zeeche vum Härgott
an eiser hektescher Zäit.
Roueg ginn, zu sech fannen,
d’Häerz opmaachen,
fir déi Zeechen ze erkennen…
 
Monique Hermes
Maria am Verkënnegungsrelief vun der Sr. Christophora Janssen an der Parkierch zu Gréiwemaacher.
(Foto: Monique Hermes)
Monique HERMES
 
Ä e r z b i s t u m    L ë t z e b u e r g   .   A r c h e v ê c h é   d e   L u x e m b o u r g    .   
© Äerzbistum Lëtzebuerg . Archevêché de Luxembourg
verschidde Rechter reservéiert . certains droits réservés
4 rue Genistre, L-1623 Lëtzebuerg
Postkëscht 419, L-2014 Lëtzebuerg
+352 46 20 23
archeveche cathol.lu