lb fr pt en
 
27. November 2017

Nei liturgesch Iwwersetzung vum “Notre Père”

Matdeelung vun der diözesaner Liturgiekommissioun

Mat der neier franséischer Bibeliwwersetzung gëtt déi 6. Demande vum Notre Père an de franséischsproochegen Diözesen geännert. Aus der Formuléierung “Et ne nous soumets pas à la tentation” gëtt dann “Et ne nous laisse pas entrer en tentation” .

Dee franséischsproochegen Deel vun der Belscher Bëschofskonferenz huet dës nei Versioun scho Päischten 2017 agefouert a mam Ufank vum neie Kierchejoer, den 1. Adventssonndeg 2017, trëtt dës nei Iwwersetzung dann och an alle franséischen Diözesen a Kraaft.

Well d’Oktav 2018 ënnert dem Thema vum Vater unser waert stoën, féiert d’Äerzdiözes Lëtzebuerg déi nei Versioun vum Notre Père eréischt an der Ouschterzäit 2018 an alle Poren an. Dëst geschitt am Kader vun der OKTAV 2018, déi vum 21. Abrëll - 6. Mee 2018 stattfënnt. Déi kommend Méint kënne genotzt ginn, fir sech mam Vater unser als zentralt Gebied fir all Chrëschten ausenanerzesetzen. Impulser heizou fënnt ee vun elo un reegelméisseg um Site vu www.cathol.lu.

http://www.eglise.catholique.fr/app...

D’Iwwersetzunge vum Vater unser op däitsch, lëtzebuergesch, portugisesch, spuenesch, italienesch asw. bleiwen am Moment onverännert.

 
Ä e r z b i s t u m    L ë t z e b u e r g   .   A r c h e v ê c h é   d e   L u x e m b o u r g    .   
© Äerzbistum Lëtzebuerg . Archevêché de Luxembourg
verschidde Rechter reservéiert . certains droits réservés
4 rue Genistre, L-1623 Lëtzebuerg
Postkëscht 419, L-2014 Lëtzebuerg
+352 46 20 23
archeveche cathol.lu