lb fr pt en
Joer B  
26. November 2015

Ouschternuecht B

Mk 16,1-7

1 Wéi de Sabbat eriwwer war, hunn d’Maria vu Magdala, d’Maria, dem Jakobus seng Mamm, an d’Salome Essenze kaaft, fir bei d’Graf ze goen an de Jesus ze salefen.

2 Si koumen deen éischten Dag vun der Woch an aller Fréi bei d’Graf – d’Sonn war grad opgaang.

3 Dunn huet eng déi aner gefrot: “A wie rullt äis de Stee vum Agank vum Graf ewech?”

4 Wéi si opgekuckt hunn, hunn si gesinn, datt de Stee schonn op d’Säit gerullt gi war – an dobäi war et e ganz groussen.

5 Si sinn an d’Graf eragaang an hunn do op där rietser Säit e jonke Mann an engem wäisse Gewand sëtze gesinn. Du sinn si ellen erféiert.

6 Hien awer sot zu hinnen: "Erféiert net! Dir sicht de Jesus vun Nazareth, dee Gekräizegten – hien ass aus dem Doud erwächt ginn, hien ass net hei. Kuckt, do ass d’Plaz, wou si hien higeluecht haten.

7 Gitt elo a sot senge Jünger an dem Péitrus: ’Hie geet iech viraus a Galiläa; do kritt dir hien ze gesinn, esou wéi hien iech et gesot hat.’"

 
Ä e r z b i s t u m    L ë t z e b u e r g   .   A r c h e v ê c h é   d e   L u x e m b o u r g    .   
YouTube
SoundCloud
Twitter
Instagram
Facebook
Flickr
WhatsApp 352 691 12 97 76
Service Kommunikatioun a Press . Service Communication et Presse
Äerzbistum Lëtzebuerg . Archevêché de Luxembourg

© Verschidde Rechter reservéiert . Certains droits réservés
Dateschutz . Protection des données
Ëmweltschutz . Protection de l'environnement
5 avenue Marie-Thérèse
Bâtiment H, 1er Étage
L-2132 Luxembourg
+352 44 74 34 01
com cathol.lu