lb fr pt en
Sonndesmass  
12. Juni 2018

D’Sonndesmass gouf vu Rëmeleng iwwerdroen

De Replay op cathol.lu

D’Sonndesmass gouf e Sonndeg, de 17. Juni, um 9 Auer aus der Kierch vu Rëmeleng iwwerdroen. D’Choralë vu Rëmeleng, Téiteng a Käl hunn ënnert der Leedung vum Hervé Mathieu gesongen, op der Uergel huet d’Colette Daxhelet-Dereppe begleet.

D’Choralen aus der Poar Käldall Notre-Dame des Mineurs

Charles Gounod

Dës Radiosmass gëtt vun den dräi Choralen aus der Poar Käldall Notre-Dame des Mineurs musikalesch gestalt. Verantwortlech ass d’Chorale Ste Cécile vu Rëmeleng. Ënnert der Direktioun vun hirem Dirigent Hervé Mathieu sti fir dës Geleeënheet och nach d’Chorale Ste. Cécile vun Téiteng an d’Chorale St. Pie X vu Käl. Organistin ass d’Colette Daxhelet-Dereppe.

Um Programm sinn ënner anerem Wierker vum Charles Gounod, deen haut virun 200 Joer, de 17. Juni 1818 gebuer gouf an deen den 18. Oktober 1893 gestuerwen ass.

D’Chorale Ste Cécile vu Rëmeleng besteet zënter 1860. D’Prouwe sinn all Méindeg vun 20 bis 22 Auer an der Rëmelenger Kiirch. Jiddereen, dee Freed um Gesank huet, ass wëllkomm.
Di dräi Choralen aus der Poar Notre-Dame des Mineurs si beméit, hiir Zesummenuarbecht weider auszebauen, fir och nach an Zukunft d’Gottesdéngschter an aner gemeinsam gestalte Feierlechkeete musikalesch kënnen ze begleeden.

Suivéiert d’Mass e Sonndeg am Live-Stream hei

De musikalische Programm vun der Mass

Entrée: Uergel Prélude (Largo) G.L. Gregori
Agangslidd Jubilez, criez de joie Du Jonchay
Kyrie Messe aux Chapelles Ch. Gounod
Gloria VIII (De angelis) grégorien
Zwëschegesank Ps 91 “Il est bon Seigneur, de te rendre grâce” H. Mathieu
Alleluja Alléluia irlandais LD 206
Credo gëtt gebiet
Gowebereedung: Uergel Offertoire Th. Dubois
Sanctus Messe aux Chapelles Ch. Gounod
Anamnèse Geheimnis vum Glawen LD 264
Vater unser Eise Papp am Himmel C. Hommel
Agnus Dei Messe aux Chapelles Ch. Gounod
Kommuniounslidd Ave Verum Corpus Ch. Gounod
Schlusslidd Peuple de lumière J.P. Kempf
Sortie: Uergel Fantasia J.K. Kuchar

Chéier: Choralë vu Rëmeleng, Téiteng a Käl
Dirigent: Hervé Mathieu
Organistin: Colette Daxhelet-Dereppe

Ënnerstëtzt d’Iwwerdroung vun der Radiosmass mat Ärem Don

 
Ä e r z b i s t u m    L ë t z e b u e r g   .   A r c h e v ê c h é   d e   L u x e m b o u r g    .   
YouTube
SoundCloud
Twitter
Instagram
Facebook
Service Kommunikatioun a Press
Äerzbistum Lëtzebuerg

© Verschidde Rechter reservéiert
Dateschutz
5 avenue Marie-Thérèse
Gebei H, 1. Stack
L-2132 Lëtzebuerg
+352 44 74 34 01
com cathol.lu