Um Ouschtersonndeg gouf d’Sonndesmass vun Hueschtert (Nidderanven) iwwerdroen

D’Sonndesmass op Ouschtersonndeg gouf vun Hueschtert iwwerdroen. D’Chorale Ste Cécile vun Hueschtert séngt dës Mass. Dirigent ass de Jean Schumacher. Organist ass den Stefan Dorneanu. Op der Gei spillt de Ruben Dorneanu an op der Flütt de Philipp Schneider. D’Mass gëtt ausnahmsweis um 10.30 Auer als Tëleesmass live op .dok TV, RTL ZWEE an als Stream op cathol.lu iwwerdroen.

Suivéiert d’Mass e Sonndeg HEI am Live-Stream an duerno de Replay

D’Chorale Sainte-Cécile vun Hueschtert (Nidderanven)

D’Chorale Ste Cécile vun Hueschtert ass am Joer 1873 als Männerchouer gegrënnt ginn. Ënner dem Numm « Chouergesankveräin » krut de Veräin seng éischt Statuten.
1958 ass aus dem Männerchouer e gemëschte Chouer ginn. De Chouer ass Member am Piusverband ginn a nennt sech « Chorale Ste Cécile Hueschtert », ass deemno e Kierchechouer.

Héichpunkte vum Veräin sinn zwee Concerts spirituels, wou den Erléis fir e gutt Wierk gespent gëtt, a feierlech Massen zu den Festdeeg
Mir sangen awer och Begriewnessmassen souwéi Hochzäitsmassen , Sonndesmass a
Wuertgottesdéngschter.

Haut besteet d’Chorale aus 26 aktive Memberen : 19 Dammen a 7 Hären.
Dirigent ass de Jean Schumacher. - Presidentin: Juliette Beffort
Organisten: Stefan Dorneanu a Kirsten Elmquist
Eis Prouwe si Mëttwochs vun 20,00 – 22,00 Auer an eisem Proufsall 6, rue Principale zu Hueschtert.

De musikalische Programm vun der Mass

Ënnerstëtzt d’Iwwerdroung vun der Tëleesmass mat Ärem Don