
E Kaddo vum Poopst
En Deel vum Kaddo vum Poopst gouf u manner favoriséiert Leit verdeelt.
Am Kader vum Projet “E Kaddo fir de Poopst” krut d’Fondatioun Sainte-Irmine am Ganzen 455 Donen fir e Gesamtmontant vun 179.930.- Euro.
Et war am Ufank virgesinn, datt de Kaddo fir de Poopst genotzt géif ginn fir d’Wierker vum Dicastère fir den Déngscht vun der Baarmhäerzegkeet (d’Aumônerie apostolique) am Vatikan. Wärend senger Begéinung mat der kathoulescher Populatioun an der Kathedral huet de Poopst awer spontan säi Wonsch zum Ausdrock bruecht, datt d’Sue vun dësem “Kaddo” zu Lëtzebuerg bleiwe sollt an hei genotzt gëtt zu Gonschte vun aarmen a benodeelegte Leit a vun de Flüchtlingen.
Mir hunn d’Freed Iech elo matzedeelen, datt eng éischt Tranche vun 100.000 Euro u verschidden Associatioune gaangen ass. Nodeems de Kardinol Jean-Claude Hollerich, President vun der Fondatioun Sainte-Irmine, seng Réit consultéiert huet, huet hien decidéiert dës Projeten a gutt Wierker ze ënnerstëtzen:
- den diözesane Flüchtlingsprojet “Reech eng Hand”: 15.000.- Euro fir d’Betreiung vun enger kathoulescher Famill aus dem Pakistan, déi wéinst hirem Glawen hir Heemecht huet misse verloossen; 5.000.- Euro fir jidderee vun den dräi lokale Gruppe vu “Reech eng Hand” vu Bartreng-Stroossen, Déifferdeng an Iewescht Syr (Total : 30.000.- Euro);
- de Projet “Ubuntu rebondit” vum Jesuit Refugee Service Lëtzebuerg: 30.000.- Euro (eng Presentatioun vun dësem neie Projet fannt Dir op www.irmine.lu);
- d’Tricentenaire asbl – Services pour personnes handicapées: 20.000.- Euro;
- de Mouvement ATD Quart Monde Luxembourg: 15.000.- Euro;
- d’Associatioun “Noël de la rue”: 5.000.- Euro.
Natierlech hale mir Iech zu engem spéideren Zäitpunkt iwwer d’Notzung vum Rescht vun de Sue vum “Kaddo vum Poopst” um Lafenden.
Obrigado por ler este artigo. Se quiser manter-se informado sobre as notícias da Igreja Católica no Luxemburgo, subscreva o Cathol-News, enviado todas as quintas-feiras, clicando aqui.
Cabeçalho
-
L’église abbatiale de Clervaux a fêté le centième anniversaire de sa dédicace
Le pape Léon XIV a envoyé sa bénédiction apostolique à la communauté bénédictine de l’abbaye Saint-Maurice.
-
30 juillet : messe dans les catacombes et préparation de la journée pénitentielle de vendredi
Du 27 juillet au 4 août, suivez les jeunes du diocèse. Passage des portes saintes, réconciliation, veillée de prière avec Léon XIV...
-
« Dieu vous sera propice à Rome »
À la chapelle du Glacis, lancement du pèlerinage jubilaire des jeunes à Rome.
-
25. Juli 325: Ende des Konzils von Nizäa
Vor 700 Jahren wurde der Grundstein für das Glaubensbekenntnis gelegt.